05/24/09

Urdu Bazaar, Karachi (Karachi District)

0

Posted by Engr. Muhammad Maroof | Posted in | Posted on 9:59 AM

Your Ad Here

Urdu Bazaar, Karachi (Karachi District)

Here you visit Urdu Bazaar, Karachi (Karachi District)

http://wikimapia.org/#lat=24.859143&lon=67.01709&z=18&v=2

tuune dekhaa hai kabhii ek nazar shaam ke baad

0

Posted by Engr. Muhammad Maroof | Posted in | Posted on 3:05 AM

tuune dekhaa hai kabhii ek nazar shaam ke baad

tuune dekhaa hai kabhii ek nazar shaam ke baad
kitane chup-chaap se lagate hai.n shajar shaam ke baad

itane chup-chaap ke raaste bhii rahe.nge laa-ilm
chho.D jaaye.nge kissi roz nagar shaam ke baad

mai.n ne aisee hii gunaah terii judaa_ii me.n kiye
jaise tuufaan me.n ko_ii chho.D de ghar shaam ke baad

shaam se pahale vo mast apanii u.Daano.n me.n rahaa
jis ke haatho.n me.n the TuuTe hue par shaam ke baad

raat biitii to gine aable aur phir sochaa
kaun thaa baa_is-e-aaGaaz-e-safar shaam ke baad

tuu hai suuraj tujhe maaluum kahaa.N raat kaa dukh
tuu kisii roz mere ghar me.n utar shaam ke baad

lauT aaye na kissi roz vo aavaaraa majaaz
khol rakhate hai.n isii aas pe dar shaam ke baad

karb chehare se maah-o-saal kaa dhoyaa jaaye

0

Posted by Engr. Muhammad Maroof | Posted in | Posted on 3:02 AM

karb chehare se maah-o-saal kaa dhoyaa jaaye

karb chehare se maah-o-saal kaa dhoyaa jaaye
aaj fursat se kahii.n baiTh ke royaa jaaye

phir kissi nazm kii taamiid uThaa_ii jaaye
phir kisii jism ko lafzon me.n samoyaa jaaye

kuchh to ho raat kii sarhad me.n utarane kii sazaa
garm suuraj ko samundar me.n Duboyaa jaaye

itanii jaldii to badalate nahii.n ho.nge chehare
gard_aaluud hai.n aa_iine ko dhoyaa jaaye

maut se Khauf_zadaa jiine se bezaar hai.n log
is almiyaa pe ha.Nsaa jaaye ki royaajaaye

azmat-e-zindagii ko bech diyaa

0

Posted by Engr. Muhammad Maroof | Posted in | Posted on 2:58 AM

azmat-e-zindagii ko bech diyaa

azmat-e-zindagii ko bech diyaa
ham ne apanii Khushii ko bech diyaa

chashm-e-saaqii ke ik ishaare pe
umr kii tishnagi ko bech diyaa

rind jaam-o-subuu pe ha.Nsate hai.n
shaiKh ne bandagii ko bech diyaa

rah_guzaaro.n pe luT ga_ii raadhaa
shaam ne baa.Nsurii ko bech diyaa

jagamagaate hai.n vahashato.n ke dayaar
aql ne aadamii ko bech diyaa

lab-o-ruKhsaar ke ivaz ham ne
sitvat-e-Khusravii ko bech diyaa

ishq beharuupiyaa hai ai 'Sagar'
aap ne saadagii ko bech diyaa

aa chaa.Ndanii bhii merii tarah jaag rahii hai

0

Posted by Engr. Muhammad Maroof | Posted in | Posted on 2:56 AM

aa chaa.Ndanii bhii merii tarah jaag rahii hai

aa chaa.Ndanii bhii merii tarah jaag rahii hai
palako.n pe sitaaro.n ko liye raat kha.Dii hai

ye baat ki suurat ke bhale dil ke bure ho.n
allaah kare jhuuTh ho bahuto.n se suunii hai

vo maathe kaa matalaa ho ki ho.nTho.n ke do misare
bachapan kii Gazal hii merii mahabuub rahii hai

Gazalo.n ne vahii.n zulfo.n ke phailaa diye saaye
jin raaho.n pe dekhaa hai bahut dhuup ka.Dii hai

ham dillii bhii ho aaye hai.n laahaur bhii ghume
ai yaar magar terii galii terii galii hai

[laahaur =Lahore]

aa bhii jaao kii zindagii kam hai

0

Posted by Engr. Muhammad Maroof | Posted in | Posted on 2:54 AM

aa bhii jaao kii zindagii kam hai

aa bhii jaao kii zindagii kam hai
tum nahii.n ho to har Khushii kam hai

vaadaa kar ke ye kaun aayaa nahii.n
shahar me.n aaj raushanii kam hai

jaane kyaa ho gayaa hai mausam ko
dhuup ziyaadaa hai chaa.Ndanii kam hai

aa_iinaa dekh kar Khayaal aayaa
aaj kal un kii dostii kam hai

tere dam se hii mai.n mukammal huu.N
bin tere terii 'Yamini' kam hai

Urdu Gazal

0

Posted by Engr. Muhammad Maroof | Posted in | Posted on 2:51 AM

Urdu Gazal

paa-ba-gil sab hai.n rihaa_ii kii kare tadabiir kaun
dast-bastaa shahar me.n khole merii zanjiir kaun

[rihaa_ii = freedom; tadabiir = solution/way]
[dast-bastaa = tied hands]


meraa sar haazir hai lekin meraa munsif dekh le
kar rahaa hai mere fard-e-jurm kii tahariir kaun

[munsif = judge; fard-e-jurm = tale of guilt]
[tahariir = writing]


aaj darvaazo.n pe dastak jaanii pahachaanii sii hai
aaj mere naam laataa hai merii taaziir kaun

[taaziir = punishment]

niind jab Khvaabo.n se pyaarii ho to aise ahad me.n
Khvaab dekhe kaun aur Khvaabo.n ko de taabiir kaun

[ahad = era/times]

ret abhii pichhale makaano.n kii na vaapas aa_ii thii
phir lab-e-saahil gharaundaa kar gayaa taamiir kaun

[lab-e-saahil = on the shoreline; taamiir = construct]

saare rishte hijrato.n me.n saath dete hai.n to phir
shahar se jaate hue hotaa hai daaman_giir kaun

merii chaadar to chhinii thii shaam kii tanhaa_ii ne
beridaa_ii ko merii phir de gayaa tashahiir kaun

dushmano.n ke saath mere dost bhii aazaad hai.n
dekhanaa hai khe.nchataa hai mujh pe pahalaa tiir kaun